Bliadhna nan ÒranYear of Song

'S muladach mi 's mi air m' aineoil
Hì rì ri rì ri abh o
'S èisleineach mi sa chluain-rainich
Ho ro ho hao ri o ho hurubhi iù ho ro ho.

'S èisleineach mi sa chluain-rainich
Hì rì ri rì ri abh o
Coimhead bhuam air cuan na Hearadh
Ho ro ho hao ri o ho hurubhi iù ho ro ho.

Coimhead bhuam air cuan na Hearadh
'S nach fhaic mi tighinn mo leannan

'S nach fhaic mi tighinn mo leannan
Geugaire fionn, foinne, fearail

Geugaire fionn, foinne, fearail
'S gile do thaobh nan fhaoileann mhara

'S gile do thaobh nan fhaoileann mhara
'S deirge do ghruaidh na cruach air chrannaibh

'S deirge do ghruaidh na cruach air chrannaibh
Sùil ghorm san aodann nach greannach

Sùil ghorm san aodann nach greannach
Mala chaol gun chaochladh sealladh

Mala chaol gun chaochladh sealladh
Fiacail bhàn am beul gun sgainnir

Fiacail bhàn am beul gun sgainnir
Ach na faighinn siud air m' aineachd

Ach na faighinn siud air m' aineachd
Mac 'ic Ailein bhith san fheamainn

Mac 'ic Ailein bhith san fheamainn
Dubhar nan tonn a' dol thairis

Dubhar nan tonn a' dol thairis
Bhiodh a' bhaintighearna aig an sgalaig

Bhiodh a' bhaintighearna aig an sgalaig
'S an tighearna òg a' bruich an arain

'S an tighearna òg a' bruich an arain
'S Mac Nèill a' feitheamh na fallaid