Bliadhna nan ÒranYear of Song

Sèist / Chorus

O saoil sibh nach b' e an laochan Ailean?
An cuala sibh gun d' fhuair e leannan?
Ged nach robh e mìos bho bhaile
Tè gun fhacal Gàidhlig.
O saoil sibh nach b' e an laochan Ailean?

Cha robh innt' co-dhiù ach liùireach
Nach robh eòlach air an dùthaich,
Loisg i casan chun nan glùinean
Dhrùidh i phrais bhuntàt' orra.
O saoil sibh nach b' e an laochan Ailean?

Cha robh innt' co-dhiù ach flirt
Bha i dèidheil air na fleasgaich,
Thug e suas i don fiscal
Dh'insult i a mhàthair,
O saoil sibh nach b' e an laochan Ailean?

Thug e suas i dhan a' phoileas,
Sgannal bhreug is dìorras conas,
O mar tèid a' chùis am feabhas
Tha divorce an dàn dhaibh,
O saoil sibh nach b' e an laochan Ailean!

Cha robh innleachd fon ghrèin aic'
Air an càradh i a lèine,
'S ann a bha i leis an dèideadh
Lumbago na cnàmhan.
O saoil sibh nach b' e an laochan Ailean?

'S gur e b' ainm dhi Catrìon' Ina,
Mary, Maggie, Kate, Maria,
Isabella, Phyllis, Ida,
Lisa MacPhàrlain;
O saoil sibh nach b' e an laochan Ailean!