Bliadhna nan ÒranYear of Song

Sèist / Chorus

Hìthillean na hìllean ì,
Hìthillean na hìllean ò,
Fàill ill èile 's hò ro ì,
Mo thruaighe mi mur faigh mi thu.

Tha mi an seo mar dhruid an crann,
An dèidh a cuid eun a chall;
Seacharan air dol am cheann,
'S ged thig an t-àm cha chaidil mi.

Thasgaidh mo chridhe is mo chlèibh,
Chuireadh tu air feadan gleus;
Dhannsadh tu air ùrlar rèidh
Gu lùghmhor, eutrom, aighearach.

Dh'fhàg thu mise dubhach, trom,
'S thaobh thu crannagan nan long;
Ged a bhiodh do phòca lom,
Gun nì, gun fhonn, gun gabhainn thu.

'S e mo cheist fear a' chùil bhàin;
B' aotrom do cheum air sràid;
On a chaidh thu null thar sàil'
Tha mi on latha sin acaineach.

Fhuair mi do litir a-nall,
Air a sgrìobhadh leis a' pheann,
Thàin an Nollaig 's dh'fhalbh an t-àm
On gheall thu tighinn gam amharc-sa.

Tha mi gun airgead is gun òr,
Chan e seo a rinn mo leòn,
Ach nach fhaic mi thu rim bheò
A' seòladh taobh an fhearainn seo.