Bliadhna nan ÒranYear of Song

Sèist / Chorus

Hò ro 'illean, na bitheamaid tùrsach,
Òlaidh sinn dileag a-rithist as ùr dhith;
Fàgaidh i cridheil thu 's bidh tu sunndach
'S cuiridh i 'n cùram uile fo sgòd.

An smùid a ghabh mise aig àm na Bliadhn' Ùire
Shiubhail i fad agus farsaing nan dùthaich:
Chual' gach cailleach e 's thuirt iad gu diombach
'S mios' e nam bruid am fear bhios ri 'g òl.

Nuair ruigeas mi dhachaigh bidh a' chailleach an gruaim rium
Gheibh mi mo theisteanas gu dleasanda bhuaipe;
"Ciamar, a bhurraidh, a chumas tu suas tè
Cosg do chuid duais an taighean an òl?"

Fàgaidh i cridheil thu 's bidh tu dàna;
Bheir i dhut misneachd 's cha chlisg thu le nàire;
Fògraidh i d' eagal 's cha teich thu rod nàmhaid
'S bidh tu cho làidir nuair bhios tu ag òl.

Ach 's fheudar dhomh aithris, ged tha i na buaireadh,
Dh'aindeoin a mealladh tha iomadach buaidh oirr';
Togaidh i aighear air fear a bhios gruamach,
'S bheir i air cuasach rìbhinn còir.