Bliadhna nan ÒranYear of Song

Hèman dubh, 's e mo Dhòmhnall
Hèman dubh, fhuair an togail
Hèman dubh, cha b' ann le bùrn
Hì ri o ro, gorm a' lodain.
Hèman dubh, hì ri oro
Hò ro hù ò.

Hèman dubh, cha b' ann le bùrn
Hèman dubh, gorm a' lodain
Hèman dubh, ach le bainne
Hì ri o ro, nam ban donna.
Hèman dubh, hì ri oro
Hò ro hù ò.

Hèman dubh, 's e mo Dhòmhnall
Hèman dubh, loisg an urchair
Hèman dubh, leag e 'n caisteal
Hì ri o ro, air an tilgeadh
Hèman dubh, hì ri oro
Hò ro hù ò.

Hèman dubh, leag e 'n caisteal
Hèman dubh, air an tilgeadh
Hèman dubh, chlach a b' àirde
Hi ri or o, b' fhada dh'fhalbh i.
Hèman dubh, hì ri oro
Hò ro hù ò.

Hèman dubh, chlach a b' àirde
Hèman dubh, b' fhada dh'fhalbh i
Hèman dubh, chlach a b' ìsle
Hi ri or o, cha robh lorg oirr'.
Hèman dubh, hì ri oro
Hò ro hù ò.

Hèman dubh, truagh nach tigeadh
Hèman dubh, siud gam iarraidh
Hèman dubh, gille 's litir
Hì ri o ro, each is diallaid
Hèman dubh, hì ri oro
Hò ro hù ò.

Hèman dubh, gille 's litir
Hèman dubh, each is diallaid
Hèman dubh, là a thigeadh
Hì ri o ro, chuirinn srian air
Hèman dubh, hì ri oro
Hò ro hù ò.

Hèman dubh, là a thigeadh
Hèman dubh, chuirinn srian air
Hèman dubh, 's bheirinn cothrom
Hì ri o ro, air an t-sliabh dhith.
Hèman dubh, hì ri o ro
Hò ro hù ò.

Hèman dubh, bheirinn cothrom
Hèman dubh, air an t-sliabh dhith
Hèman dubh, 's bheirinn coirce
Hì ri o ro, geal na bhiadh dhith.
Hèman dubh, hì ri oro
Hò ro hù ò.

Hèman dubh, nan robh agam
Hèman dubh, sgiath a' ghlaisein
Hèman dubh, shnàmhainn na caoil
Hì ri o ro, air an tarsainn.
Hèman dubh, hì ri oro
Hò ro hù ò.

Hèman dubh, shnàmhainn na caoil
Hèman dubh, air an tarsainn
Hèman dubh, an Caol Ìleach
Hì ri o ro, 's an Caol Arcach.
Hèman dubh, hì ri oro
Hò ro hù ò.

Hèman dubh, an Caol Ìleach
Hèman dubh, 's an Caol Arcach
Hèman dubh, 's rachainn a-steach
Hì ri o ro, chun a' chaisteil.
Hèman dubh, hì ri oro
Hò ro hù ò.

Hèman dubh, rachainn a-steach
Hèman dubh, chun a' chaisteil
Hèman dubh, 's bheirinn a-mach
Hì ri o ro, às mo leannan.
Hèman dubh, hì ri oro
Hò ro hù ò.

Hèman dubh, 's bheirinn a-mach
Hèman dubh, às mo leannan
Hèman dubh, 's chan fhaighnichinn
Hì ri o ro, cò bu leis i.
Hèman dubh, hì ri oro
Hò ro hù ò.

Nan èisteadh sibh, hè hubadh
Rium a mhnathan, hè a bhì
Dh'innsinn mo sgeul, haoiri hò ro
Dhuibh air m' athais.
Hèman dubh, hùiribhi ù hò
Hò rò hù ò.

Dh'innsinn mo sgeul, hè hubadh
Dhuibh air m' athais, hè a bhì
Gu bheil an làn, haoiri hò ro
Anns an fhadhail.
Hèman dubh, hùiribhi ù hò
Hò rò hù ò.

Chan fhaod mo ghaol tighinn a thadhal,
Òganach donn deas fo chlaidheamh.

'N oidhch' a bha sibh 'n Àirigh Lochain,
Cha robh e ann fear do choltais,
Bho nach maireann Fionn no Oisean,
No Diarmaid donn, mac Righ Lochlainn.

Ochan is och is mi brònag,
Cha bhean chrìonda ghlic ri m' bheò mi;
Mo mhàthair air thì mo chòrdaidh;
Tha m' athair air thì mo phòsaidh
Ri fear odhar bodhar breòite,
Ri fear dall cha lèir dha bhrògan;
Gur mù a cheann na chruach mhòine,
'S gur faid' fheusag na sguab eòrna,
'S caoile amhach dhut na feòirnean,
Cha dèan dà shlat dheug dha còta,
Thèid seiche daimh mhòr na bhrògan.

Ged tha mise 'm uiseag riabhaich,
Trom-aigeannach gun bhith sgiamhach,
Thàinig teachdair- eachd gam iarraidh,
Teachdaireachd mhac an Iarla,
Dithis an uiridh 's triùir am bliadhna,
Gille 's litir each is diallaid,
'N fhalaire dhonn spuir is srian innt';
Nam bu mhise gille biadhta
'N doras sabhail bheirinn biadh dhi,
Bheirinn fodar bheirinn fiar dhi,
Bheirinn cruithneachd bheirinn fìon dhi,
Treis fhalaireachd air an t-sliabh dhi.
Ge tà cha ghabh mi e am bliadhna
B' annsa leam mac Anna riabhaich
Dham bi na h-eich mhòr air sriana
Na h-eich dhonna throma dhiallta.

Mhic Dhòmhnaill Duibh à Loch Abar
Siud, a Righ, nach robh mi agad
Ge b' e àite 'm bheil do leabaidh,
'M bun nan craobh no 'm bàrr nam baideal,
No air bòrd do luinge fada
No air morghan gorm an aigeil
'N dèidh do chur no 'n dèidh do chathadh
'N dèidh do dheoch mhòr uisge-beatha.