Bliadhna nan ÒranYear of Song

Chan eil òganach treun de Chloinn Chamshroin gu lèir
Nach tèid deònach fo Bhratach Loch Iall
Gu buaidh no gu bàs 's bidh iad dìleas 's gach càs,
Oir gèill cha tug Camshronach riamh.

Sèist: Nach cluinn sibh fuaim na pìoba tighinn,
Gu h-àrd thar monadh is ghleann;
Agus cas cheuman aotrom a' saltairt an fhraoich!
'S i caismeachd Chloinn Chamshroin a th' ann!
'S i th' ann, 's i th' ann,
'S i caismeachd Chloinn Chamshroin a th' ann!

O 's uallach an ceum, ged tha fios aig gach treun
Gum faod e bhith màireach san ùir;
Ach gach àrmann, gun sgàth, thèid le Cheannard don bhlàr,
Far 'm bu dualach dhaibh buaidh agus cliù.

Tha ghealach ag èirigh, 's tha gathan air ceuman
Nan òigear tha treun agus fìor;
'S àrd dòchas an clèibh, 's thuirt an Ceannard e fhèin
Gur laoich iad nach gèill anns an t-strì.