Mar a bhios e a' sgrìobhadh dàn

Tha mi a' smaoineachadh ann an dòigh gum bi mi a' feitheamh ri bàrdachd a thighinn thugam. Bidh mi a' smaoineachadh air rud is dòcha airson greis mhath, airson bliadhnaichean 's dòcha, no airson mìosan. Ach aon latha 's dòcha gun tig loidhne thugam no a' chiad dà loidhne agus feumaidh mi sin a sgrìobhadh sìos an uair sin oir mur a sgrìobh mi sìos e, dìochuimhnaichidh mi dè bh' ann agus cha tig e air ais thugam. An ath rud a bhios mi a' dèanamh, nuair a thòisicheas mi a sgrìobhadh, is dòcha gun dèan mi an sgrìobhadh fhèin ann an uair a thìde no dhà is bidh e deiseil an uair sin.

Glè thric bidh mi ga sgrìobhadh is sin agad e, ach uaireanan atharraichidh mi facal an siud is an seo. Thig mi thairis air agus atharrachaidh mi facal no dhà. Uaireannan ma sgrìobhas mi rud, 's dòcha nach bi mi a' smaoineachadh gun fhiach e a chumail agus cuiridh mi dhan bhion e. Bidh sin a' tachairt corra uair cuideachd agus sin mar a tha e ag obair.